بسم الله الرحمن الرحيم

هلت دموعي سيل وسارت من العينين
والقلب تقطّع قطع والحرقه تصلاني

من حر هالدموع طبع على الخدين
حتى الكلام بلحظه ضاع بلسـاني

كل هذا صار في يوم أثنين
يومٍ قضى على آمال أحلامي

شفتك يا ღ يمه ღ عقب سبـعة سنين
عقب كفاحك صار قلبك الفاني

أكذّب عيوني وأقول ليش ما تّحركين؟
ردي يا ღ يمه ღ تكفين يا بعد وجداني

خُذي قلبي خُذي كلي أرجوك تّنفسين
أو من وريدي أو خُذي شرياني

ما صدقت عيوني يوم غطوك زين
هذا علم.! هذا حلم.! أو شيءٍ خيالي

متِّي يا ღ يمه ღ ودفناك حدر الطين
وشلون قدرت أدفنك تراه بكاني

خوفي عليك كان من حين لحين
واليوم اتجرأ وأحذيك ولا أبالي

والله يا ღ يمه ღ لولا تعاليم الدين
اللي أمرنا نقبرك وكل إنساني

كان أحطك وأقبرك برموش هالعين
وأريح نفسي ولا أصير الحالي

بفقدك يا ღ يمه ღ من لي الحين
إنتِ ღ الأبو ღ والأم ღ وأعز خلاني

راح العطف واللطف وقبله اللين
ما ينصفك حروف وأبيات ألحاني

ضاقت بي الدنيا بعدك يا زين
أتخيلك دوم تقولين بتناسني

وشلون أنساك يا نظر العين
ما أنساك لو أنسى القاصي والداني

من بعدك يا ღ يمه ღ صار قلبي قسمين
قسمٍ بقى وقسمٍ راح معك خلاني

وين أشتكي على ما اصابني وين؟
شكواي لله الأول والتالي

من لهم خواتي لو جو شاكين؟
والا اخواني لو ضاقت ليالي؟

حتى اليتامى بعدك ياكلون منين
والا الفقير إذا جاء وألفاني

يا حي عوضها عن مرضها الشين
في جنة الخلد تنعم ولا تعاني

وتجعل لها قصور وبيتين
بيتٍ لها ملك والثاني تلقاني

تحياتي

السلام خير ختام